I´ve aften been speart fit´s aneath ma kilt
I´m seldom believed fan the answer is tailt
I dinna tell lees or let fantasy ride
It´s only a cloot fit covers ma pride
Spear aboot Nessie or huggis or drink
They´re phantoms o romance, nae fit ye think
Jist walk on the lochsides, the bens and the glens
Efter yer dein there come spear me again
Fit dis a Scotsman keep under his kilt?
His pride and his loss and his love and his guilt
A dirk in his sock, in his sporran a flask
An a hanfae o wode te mak a new mask
At´s a the wrang questions bit it´s someway te start
Ye maybe should spear fit he huds in his heart
Well, maybe ye shouldnae unless ye hae time
Te listen te stories o national crimes
Aboot Charlie and Wallace and bloody King James
Aboot a o wer bairns fit died in their names
Vikings and Romans eince raked ower these lands
They died by their thousands at my ancestors hands
There’s glorious stories o war and defeat
O loss and injustice fit wid gar ye a greit
So watch fit ye spear fan the fusky is near
For the rant and the rave is oors tae the grave
The empire we built is under oor kilts…
And that is fit made Scotland the brave
Aaahhhh Ed! Bravo and Bravo again sir! So glad I did not miss this one! Trying to get caught up, and I am really glad to find this jewel. Priceless.